Firestone Hispania

1932. urtean langabezia gutxitzeko udaletxeak Firestone multinazional estatubatuarraren filiala Basaurin jartzea negoziatu zuen. Filialak debaldeko ur-hornidura, lurren lagapena eta 1935ean oraindik arazoak sortzen zituen zubi baten eraikuntza eskatzen zituen Urbi eta Aperribairen artean Ibaizabal ibaiaren gainetik. Udaletxeak 200 metro kubiko ur ematea akordatu zuen bost céntimo metro kubikoko preziora, Ariz eta Urbi arteko bidea konpontzea han egongo baitzen fabrika, Urbi eta Boluetatik Galdakaorako errepidearen arteko zubia egiteko materialaren parte bat ematea eta zergak bost urtez ez kobratzea. Urbiko herritarrek aisialdirako erabiltzen zituzten lurretan eraiki zuten fabrika. Eraikin gehiago eraiki behar izan ziren langileentzako hala nola etxeak, hotel bat, Guardia Zibilaren kuartela… Pneumatikoak eta automobilerako osagarriak egiten zituzten. 1950 urtean Francok bisitatu zuen eta 1953. urtean William V. S. Tubman Liberiako presidenteak.