5. Edukiontzia kanpaina

Basaurin, hondakin begetalak 5. edukiontzira

    Etxean sortzen ditugun hondakinen ia erdiak organikoak dira.
    Udaletik, hondakin horiek jasotzea sustatu nahi dugu, gero horiekin konposta egiteko (gure ortu, parke eta lorategietarako ongarri naturala, alegia). Hori dela eta, edukiontzi marroiak jarri ditugu udalerri osoan zehar.  Parte hartu! Birziklatu zure hondakin organikoak!

•    Zelan parte hartu

JANTOKI KOLEKTIBOA DUTEN INSTALAZIOAK, OSTALARITZA-ESTABLEZIMENDUAK ETA DENDAK

   Parte hartu nahi duten establezimenduei honako hauek banatuko dizkiegu:
-    Gurpildun kuboa, 45 l-koa.
-    Neurri bereko poltsa konpostagarriak (aldiro banatuko ditugu, lokalean bertan).
-    Edukiontzi marroirako giltza.

   Zerbitzuan alta emateko, mezua bidali ingurumena@basauri.eus helbidera.

ETXEBIZITZAK

   Izena emateko edo material gehiago jasotzeko (poltsa konpostagarriak edo giltzak), honako informazio-puntu egonkor hauetara jo dezakezue, astelehenetik ostiralera, 09:00etatik 13:30etara bitartean:
-    San Migel Kultur Etxea
-    Ibaigane Kultur Etxea
-    Basozelai Gizarte Etxea

   Zerbitzuari buruzko zalantzarik edo iradokizunik edukiz gero, jarri gurekin harremanetan ingurumena@basauri.eus helbidean edo telefonoz, Herritarrentzako Arreta Zerbitzuaren bitartez.

  • Non daude edukiontziak

Kalero - Basozelai
Pozokoetxe - Uribarri - Ariz
San Miguel
Soloarte - Benta - Bidebieta

 

Basauri, 2019ko martxoaren 25ean.